İran “Rezvan” süzən sursatını təqdim edib

İran İslam İnqilabı Keşikçiləri Korpusu (SEPAH) ölkədə keçirilən hərbi təlimlər zamanı yeni “Rezvan” adlı süzən sursatını təqdim edib.

“Poliqon”un “Tasnim”ə istinadən verdiyi məlumata görə, hazırda istismarda olan “Rezvan” 20 kilometr uçuş məsafəsinə və 20 dəqiqə havada qalma müddətinə sahibdir.

Qabaqcıl kamera ilə təchiz edilmiş süzən sursat buraxıldıqdan sonra əldə olunan görüntüləri operatora ötürür və ona hədəfi seçib vurmağa imkan verir.

Bildirilib ki, “Rezvan” süzən sursatı Quru Qoşunlarının çevik reaksiya bölmələrini gücləndirərək onlara mürəkkəb dağlıq ərazilərdə terrorçu qruplara qarşı mübarizə aparmaq üçün yeni bacarıqlar təmin edir.