30 mm-lik MCWS ilə təkmilləşdirilmiş ilk “Stryker” PDM sifarişçiyə çatdırılıb

“Oshkosh Defense” şirkəti 30 mm-lik Orta Çaplı Silah Sistemi (MCWS) ilə təkmilləşdirilmiş ilk “Stryker V-Hull” piyadaların döyüş maşınını (ICVVA1/PDM) ABŞ Ordusuna təhvil verib.

“Poliqon” “Oshkosh Defense” şirkətinə istinadən xəbər verir ki, istismara qəbul edilən nəqliyyat vasitəsi ABŞ Ordusunun Aberdin Sınaq Mərkəzində testlərdən keçəcək.

Qeyd edək ki, MCWS silah sistemli “Stryker” maşınları, 2016-cı ildən bəri ABŞ Ordusunun inventarına yer alan insansız qülləli “Stryker Dragoon” zirehli maşınlarını əvəzləyəcək.

Poliqon.az