Səsdən sürətli İHA-122 raketinin atış sınağı yerinə yetirilib – VİDEO

Türkiyənin ROKETSAN şirkəti tərəfindən hazırlanan səsdən sürətli İHA-122 raketinin “Akıncı” pilotsuz uçuş aparatından (PUA) növbəti atış sınağı həyata keçirilib.

“Poliqon” ROKETSAN-a istinadən xəbər verir ki, sınaq zamanı TV və lazer arayıcı başlıqlara sahib İHA-122 raketləri su səthindəki hədəfləri yüksək dəqiqliklə vurub.

Qeyd edək ki, ROKETSAN şirkətinin hazırladığı İHA-122, PUA-lardan atılmaq üçün nəzərdə tutulan “hava-səth” tipli səsdən sürətli raketdir. O, şirkət istehsalı olan “yer-yer” tipli TRG-122 raketinin aviasiya vasitələrindən atılması üçün hazırlanan versiyasıdır. İHA-122 raketinin inkişaf etdirilməsində əsas məqsəd PUA-ların təhlükəli zonaya girmədən düşmənin yerüstü hədəflərini, hava hücumundan müdafiə sistemlərini və digər obyektlərini məhv edə bilməsidir.