Yeni Su-57 və Su-35S qırıcıları sifarişçiyə təhvil verilib
“Birləşmiş Aviasiya Korporasiyası”nın KnAAZ aviasiya zavodu tərəfindən istehsal olunan yeni Su-57 və Su-35S qırıcıları Rusiyanın Hava-Kosmik Qüvvələrinə təhvil verilib.
Bu barədə “Poliqon” “Birləşmiş Aviasiya Korporasiyası”nın mətbuat xidmətinə istinadən xəbər verib.
Qeyd edilib ki, sözügedən qırıcılar müxtəlif iş rejimlərində yer və uçuş sınaqlarından keçdikdən sonra xidməti yerlərinə uçublar.