İsrail ABŞ-dan F-15EX döyüş təyyarələri almaq istəyir
İsrail Müdafiə Nazirliyi ABŞ-ın “Boeing” şirkətindən 25 ədəd F-15EX döyüş təyyarələri satın almaq istəyir.
“Poliqon” “Breaking Defense” nəşrinə istinadən xəbər verir ki, İsaril tərəfi ABŞ-a F-15EX-lərin alqı-satqı prosesinin reallaşması ilə bağlı müraciət edib.
Hərbi Hava Qüvvələrinin hücum imkanlarını genişləndirmək istəyən İsrail daha çox F-15EX qırıcısı almaq niyyətindədir. ABŞ-dan satışın həyata keçirilməsinə dair razılığın gəlməsi halında sifarişin iki qatına çıxarılması gözlənilir.
Sifarişin qəbul olunacağı təqdirdə F-15EX-lərin ilk partiyasının tədarükü ən tez 2028-ci ildə reallaşdırılacaq. Buna baxmayaraq İsrail ABŞ-dan həmin müddətin qısaldılmasını istəyə bilər.
Ümumiyyətlə, İsrail hökuməti ABŞ-dan əlavə F-35 və F-15 döyüş təyyarələrinin alınması ilə bağlı qərarı 2020-ci ildə qəbul edib. Həmin vaxt F-35-lərin alınması üçün müqavilə imzalansa da, F-15-lərlə əlaqəli məsələ arxa planda qalmışdı.