ABŞ HIMARS YARS-lar üçün Ukraynaya əlavə raketlər verəcək
ABŞ Müdafiə Nazirliyi (Pentaqon) Ukraynaya 175 milyon dollar dəyərində yeni hərbi yardım paketini açıqlayıb.
Bu barədə “Poliqon” ABŞ Müdafiə Nazirliyinin mətbuat xidmətinə istinadən xəbər verib.
Bildirilib ki, bu, 2021-ci ilin avqust ayından indiyə kimi Ukrayna üçün ABŞ Ordusunun inventarından ayrılan 46-cı hərbi yardımdır.
175 milyon ABŞ dolları dəyərindəki hərbi yardım paketinə daxildir:
- Ukraynanın HHM sistemlərini dəstəkləmək üçün avadanlıq;
- HIMARS yaylım atəşli reaktiv sistemlər (YARS) üçün əlavə raketlər;
- 155 və 105 mm-lik artilleriya mərmiləri;
- 81 mm-lik minaatan sistemləri və mərmiləri;
- “Abrams” tankları üçün 120 mm-lik sursatlar;
- TOW tank əleyhinə raketlər;
- “Javelin” tank əleyhinə idarə olunan raket (TƏİR) kompleksləri;
- AT4 tank əleyhinə qumbaraatanlar;
- Atıcı silahlar üçün 3 milyondan çox sursat;
- Rabitə sistemləri və s.