ABŞ şirkətləri snayper atəşi sistemini nümayiş etdiriblər

ABŞ-ın “Ghost Robotics” və “SWORD Defense” şirkətləri AUSA-2021 sərgisində “Vision-60” robot-iti üçün birgə hazırladıqları snayper atəşi sistemini nümayiş etdiriblər.

“Poliqon” xəbər verir ki, yeni layihəyə “Xüsusi təyinatı pilotsuz tüfəng (Special Purpose Unmanned Rifle – SPUR) adı verilib.

SPUR çıxarılma modul şəklində hazırlanıb və “Vision-60” robot-itin kürəyində bərkidilir. SPUR qurğusu özündə termal nişangahı və yüksək dəqiqlikli tüfəngi birləşdirən kompüterləşdirilmiş sistemdir. Snayper tüfəngi 6.5 “Creedmoor” və ya 7.62×51 çaplı ola bilər ki, bu da 1200 m-ə qədər nişangah məsafəsini təmin edir.

AUSA-2021 sərgisində “Ghost Robotics” şirkəti üzərində “Lockheed Martin” şirkətinin istehsalı “Indago” kvadrokopter üçün qurğu olan “Vision-60” dörd ayaqlı robotunu da nümayiş etdirib. Bu kəşfiyyat dronu kəşfiyyatçıların işini xeyli sadələşdirməli, eyni zamanda əsgərlər üçün vəziyyətdən xəbərdarolmanı yaxşılaşdırmalıdır. Dörd ayaqlı dronlar tezliklə döyüş meydanında snayperləri sıxışdıracaqlar.

Əhəd Əzizov

Poliqon.az