ADEX-2016 beynəlxalq müdafiə sərgisindən – FOTOLAR

ADEX-2016 sərgisinin üçüncü günü başa çatıb. “AzeriDefence”nin məlumatına görə, sentyabrın 29-da sərgi Azərbaycanın müdafiə sənayesi qurumlarının rəhbərliyi, habelə Silahlı Qüvvələrin ayrı-ayrı qoşun komandanları tərəfindən ziyarət olunub.

Xatırladaq ki, Bakı Sərgi Mərkəzində keçirilən sərgidə müasir silah və texnikanın, eləcə də milli müdafiə kompleksinin imkanları nümayiş olunur.

Sərginin təşəbbüskarı Müdafiə Sənayesi Nazirliyidir. Müdafiə Nazirliyi isə sərgiyə dəstək göstərir. ADEX-in təşkilati tərəfdaşı qismində “Caspian Event Organisers” (CEO) şirkəti çıxış edir. Bu il ADEX-2016 sərgisini nazir, hərbi idarə rəhbərlərinin başçılıq etdiyi 25 rəsmi nümayəndə heyəti, Türkiyə, Rusiya, İsrail, Pakistan, İran və digər ölkələrin müvafiq strukturlarının nümayəndələri ziyarət edəcək. Nümayəndə heyətlərini ADEX sərgisinə ilk dəfə göndərən ölkələr arasında Bolqarıstan, Bosniya və Herseqovina və Serbiya yer alır.

ADEX-2016-da dünyanın 34 ölkəsini təmsil edən 216 şirkət, 19 ölkədən 25 rəsmi nümayəndə heyəti iştirak edir.

Tədbirin baş informasiya tərəfdaşı Böyük Britaniyanın “IHS Jane`s Defence Weekly” dərgisidir. Sərginin “onlayn” gündəliyi vəzifəsini Belçikanın “Army Recognition” yurnalı yerinə yetirir. “Azeri Defence” jurnalı isə sərginin informasiya tərəfdaşı qismində çıxış edir.

Sərgidə aparıcı şirkətlərini təqdim edən 10 ölkə – Azərbaycan, Belarus, İsrail, Çin, Pakistan, Rusiya, Serbiya, Türkiyə, Fransa və Çexiya milli pavilyonları ilə çıxış edir. Şirkətlərin sayına görə ən böyük pavilyonlar Türkiyə – 42 şirkətlə, İsrail – 14 şirkətlə və Rusiya – 14 şirkətlə ilk yerləri tuturlar.

Sərgi çərçivəsində seminar və görüşlərin keçirilməsi də nəzərdə tutulub.

Sərgi sentyabrın 27-30-u tarixlərində Bakıda keçiriləcək.

AZERİ DEFENCE sərgidən fotoları təqdim edir: