ANAMA azad edilmiş ərazilərdə daha 12 ədəd mina aşkarlayıb

Azərbaycan Minatəmizləmə Agentliyi (ANAMA) tərəfindən işğaldan azad edilmiş ərazilərin mina və partlamamış hərbi sursatlardan (PHS) təmizlənməsi əməliyyatları davam edir.

Minatəmizləmə Agentliyindən “Poliqon”a verilən məlumata görə, təmizləmə əməliyyatları Ağdam, Füzuli, Zəngilan, Qubadlı, Tərtər, Cəbrayıl rayonları və Şuşa şəhəri ərazisində aparılır.

2022-ci il yanvarın 5-dən 8-nə qədər aparılan minatəmizləmə əməliyyatları zamanı 571 389 m² (57.1 ha) ərazi yoxlanılıb, 6 ədəd piyada və 6 ədəd tank əleyhinə mina, 68 ədəd PHS aşkar olunaraq zərərsizləşdirilib.

Poliqon.az