ASELSAN-ın ADOP-2000 atəş dəstək sistemləri sifarişçiyə çatdırılıb

ASELSAN şirkəti tərəfindən istehsal edilən ADOP-2000 avtomatlaşdırılmış atəş dəstək sistemləri Türkiyə Quru Qoşunlarına təhvil verilib.

Azeri Defence saytının məlumatına görə, bu barədə “ASELSAN Dərgisi”nin son sayında dərc olunmuş xəbərdə bildirilib.

ADOP-2000 ASELSAN-ın atəş dəstək məhsullarının bir araya gətirilməsi nəticəsində ortaya çıxmış sistemdir. ADOP-2000 döyüş sahəsində hədəflərin təsbiti, atəş dəstəyinin komanda, nəzarət və texniki atəş idarəetməsinin avtomatlaşdırılması, digər sistemlərlə uyğunlaşdırılmasını təmin edir.