ASELSAN şirkəti tərəfindən hazırlanmış TUFAN kamikadze insansız dəniz aparatı (İDA) “TEKNOFEST Mavi Vatan” texnologiya festivalında nümayiş etdirilir.
“Poliqon” xəbər verir ki, yüksək partlayıcı döyüş başlığı daşıyan TUFAN sürü şəklində fəaliyyət göstərə bilən, inkişaf etmiş situasiya məlumatlılığı və avtonom idarəetmə qabiliyyətlərinə malik kamikadze tipli suüstü İDA-dır.
Kamikadze İDA yalnız suüstü hədəflərin və platformaların deyil, həmçinin sahil zolağında yerləşən kritik obyektlərin zərərsizləşdirilməsində də istifadə oluna bilir. Kəşfiyyat, müşahidə və informasiya toplama tapşırıqlarında həm tək, həm də sürü şəklində tətbiq oluna bilən TUFAN, asimmetrik hücum formaları və tapşırığa uyğun altqruplar yaradaraq müxtəlif missiyaları icra edir. İDA hərəkətli və sabit maneələrdən avtonom şəkildə yayınma qabiliyyətinə malikdir, eyni zamanda görüntüyə əsaslanan hədəf aşkarlama və zərbə endirmə imkanları təqdim edir.
TUFAN inkişaf etmiş situasiya məlumatlılığı və avtonom xüsusiyyətləri ilə yanaşı, yüksək sürət və manevr qabiliyyətinə də malikdir. Bundan əlavə, yüksək partlayıcı döyüş başlığı ilə təchiz olunan kamikadze İDA, sürü rejimində avtonom hərəkət və tapşırıq icrası həyata keçirə bilir. O, həmçinin görüntüyə əsaslanan hədəf müəyyənləşdirmə və məhvetmə qabiliyyətinə sahibdir.
