Azərbaycan hərbçiləri Türkiyədə keçirilən çoxmillətli təlimdə iştirak edir – VİDEO

Azərbaycan hərbçiləri Türkiyədə keçirilən çoxmillətli təlimdə iştirak edir – VİDEO

Azərbaycan hərbi qulluqçularının da iştirakı ilə Türkiyədə keçirilən “Şərqi Aralıq Dənizi-2025 Dəvət Təlimi” (“Doğu Akdeniz-2025 Davet Tatbikatı”) davam edir.

“Poliqon” Türkiyə Milli Müdafiə Nazirliyinə istinadən xəbər verir ki, Pakistan dəniz patrul təyyarəsinin iştirakı ilə “Sualtı Qayıq Əleyhinə Müdafiə Təlimləri” icra edilərkən, suüstü qüvvələr tərəfindən “Sahilə Bombardman Atışları” və “Əhatəli Dəniz Hərəkəti Təlimləri” yerinə yetirilib.

“TCG Sancaktar” gəmisində yerləşən Türkiyə və Azərbaycan SAT qrupları, ssenari əsasında keçirilən “Gəmiyə Çıxma Təlimləri” vasitəsilə birgə əməliyyat qabiliyyətlərini sahədə daha da möhkəmləndiriblər.

Türkiyə Hərbi Hava Qüvvələri Komandanlığına məxsus qüvvələr isə birgə icra olunan “Hava Hücumundan Müdafiə Təlimləri” ilə təlimə yüksək səviyyədə töhfə verib.

Bundan əlavə, Aksazdan təlimə qoşulan ABŞ Dəniz Piyadaları qrupları ilə birlikdə yaşayış məntəqələrində aparılan döyüş əməliyyatlarına dair praktiki məşqlər həyata keçirilib.

CATEGORIES
TAGS