Azərbaycan Ordusunun hərbçiləri EFES-2022 təliminə hazırlaşır
Türkiyədə keçiriləcək EFES-2022 beynəlxalq təlimində iştirak edəcək Azərbaycan Ordusunun hərbçilərinə hazırlıq məşqləri keçirilib.
“Poliqon” xəbər verir ki, bu barədə Türkiyənin Milli Müdafiə Nazirliyinin rəsmi “Tvitter” hesabında bildirilib.
Təlim məşqləri Türkiyə Silahlı Qüvvələrini Azərbaycanda təmsil edən Xüsusi Komandanlıq Qrupunun koordinasiyası ilə baş tutub.
Məşqlər zamanı gəmiyə çıxma, yaşayış məntəqələrində döyüş, kəndirlə tullanma və sahilə hücum tapşırıqları icra edilib.
Qeyd edək ki, Azərbaycan Ordusunun hərbi qulluqçuları hər il Türkiyədə keçirilən EFES beynəlxalq təlimində iştirak edir.
Rizvan Fikrətoğlu
CATEGORIES Xəbərlər