Azərbaycan və Türkiyənin döyüş təyyarələri nümunəvi uçuşlar keçirib

Azərbaycan və Türkiyə Hərbi Hava Qüvvələrinə (HHQ) məxsus döyüş təyyarələri “Teknofest-2021” festivalı çərçivəsində İstanbul boğazının bənzərsiz mənzərəsində salamlama uçuşu keçiriblər.

“Poliqon” Türkiyə Milli Müdafiə Nazirliyinin mətbuat xidmətinə istinadən xəbər verir ki, uçuşlarda Azərbaycan HHQ-yə məxsus 2 ədəd MİQ-29 qırıcı təyyarələri, Türkiyə HHQ-yə məxsus F-4, F-16 döyüş təyyarələri iştirak edib.

Qeyd edək ki, sentyabrın 26-dək davam edəcək festivalda nümunəvi uçuşlar keşiriləcək.

Poliqon.az