Azərbaycanda Pilotsuz Uçuş Aparatları Akademiyası yaradılıb

Azərbaycan Müdafiə Nazirliyinin tabeliyində yeni yaradılan Pilotsuz Uçuş Aparatları Akademiyasının açılışı olub.

“Poliqon” xəbər verir ki, Azərbaycan Prezidenti İlham Əliyev Pilotsuz Uçuş Aparatları Akademiyasında yaradılan şəraitlə tanış olub.

Müdafiə naziri və Türkiyənin “Baykar” şirkətinin texniki direktoru Selçuk Bayraktar dövlət başçısına Akademiyada yaradılan şərait və pilotsuz uçuş aparatları barədə məlumat veriblər.

Bildirilib ki, burada hərbi qulluqçuların hazırlığı üçün hər cür şərait yaradılıb. Akademiya müasir standartlara cavab verən bütün növ zəruri texnika və avadanlıqlarla təchiz olunub.