Azərbaycanın betondağıdan aviasiya bombası – FOTO
Azərbaycan Müdafiə Sənayesi Nazirliyinin (MSN) Elmi Tədqiqat İnstitutu betondağıdan aviasiya bombası hazırlayıb.
“AzeriDefence”nin məlumatına görə, düşmənin dəmir-beton sığınacaqlarını, istehkamlarını, infrastruktrunu sıradan çıxarmaq üçün nəzərdə tutulan BETAB-100 və BETAB-250 sərbəstdüşən betondağıdan aviasiya bombaları sentyabr ayının sonunda Bakıda keçirilmiş ADEX-2016 beynəlxalq müdafiə sərgisinin yenilikləri sırasında yer alıb.
Sərgidə açıqlanan məlumata görə, BETAB-100 bombası 0.2-0.7, BETAB-250 bombası isə 0.8-1.1 metr qalınlığında dəmir-betonu dəlmə qabiliyyətinə malikdir.
BETAB aviasiya bombalarının seriyalı istehsalına 2017-ci ilin ortalarında başlanılması nəzərdə tutulur.