AzTU-nun rektoru Milli Mətbuat Günü münasibətilə jurnalistlərlə onlayn görüş keçirib

AzTU-nun rektoru Milli Mətbuat Günü münasibətilə jurnalistlərlə onlayn görüş keçirib

Azərbaycan Texniki Universitetinin (AzTU) rektoru Vilayət Vəliyev milli mətbuatın yaranmasının 146 illiyi münasibətilə kütləvi informasiya vasitələrinin nümayəndələri ilə onlayn görüş keçirib.

“Poliqon”un məlumatına görə, görüşdə müxtəlif media qurumlarının nümayəndələri ilə yanaşı, AzTU-nun prorektorları da iştirak edib.

Rektor Azərbaycan milli mətbuatının yaranmasının 146 illiyi və jurnalistlərin peşə bayramı münasibətilə media nümayəndələrini təbrik edib, onlara fəaliyyətlərində uğurlar arzu edib.

Rektor bildirib ki, AzTU-nun fəaliyyəti ilə bağlı məlumatların ictimaiyyətə düzgün və operativ çatıdırılmasında media nümayəndələrinin böyük əməyi var. Vilayət Vəliyev qeyd edib ki, universitet-mətbuat işbirliyi bundan sonra da inkişaf etdiriləcək. Həmçinin qeyd olunub ki, 22 iyul Milli Mətbuat Günü münasibətilə KİV nümayəndələri ilə keçirilən görüş ənənə halını alıb və AzTU mətbuatla əməkdaşlığa daim böyük önəm verir.

Görüşdə son bir il ərzində AzTU-da görülən işlərdən danışılıb, eyni zamanda qarşıda həyata keçiriləcək yeniliklər barədə məlumat verilib. Bildirilib ki, AzTU-nun qısa zamanda regionun ən qabaqcıl universitetlərdən birinə çevrilməsi istiqamətində çoxsaylı layihələr həyata keçirilir.

Daha sonra rektor jurnalistləri maraqlandıran sualları cavablandırıb.

Poliqon.az

KATEQORIYA:
TEQLƏR
Bu xəbəri paylaş