Böyük Britaniya minalarla mübarizə üçün Azərbaycana əlavə maliyyə yardımı ayırıb

Böyük Britaniya hökuməti Azərbaycanda minalarla mübarizəni dəstəkləmək üçün əlavə 500 min funt sterlinq ayırıb.

“Poliqon” xəbər verir ki, bu barədə Böyük Britaniya Azərbaycandakı səfiri Fergus Auld özünün “X” (“Twitter”) hesabında paylaşım edib.

Səfir bildirib ki, bu vəsait ANAMA və BMT-nin Azərbaycandakı İnkişaf Proqramı ilə tərəfdaşlıq çərçivəsində mina təmizləmə sahəsində Azərbaycanın potensialının artırılmasına və Böyük Qayıdışın təhlükəsizliyinin təmin edilməsinə yönəldilib.