![Çexiya Ukraynaya T-72M1 və BMP-1 zirehli texnikaları göndərib Çexiya Ukraynaya T-72M1 və BMP-1 zirehli texnikaları göndərib](https://poliqon.az/wp-content/uploads/2022/04/a2-3.jpg)
Çexiya Ukraynaya T-72M1 və BMP-1 zirehli texnikaları göndərib
Çexiya Ukraynaya sovet istehsalı zirehli texnika – T-72M1 tankı və BMP-1 piyadanın döyüş maşını (PDM) göndərmək üçün eşelon tərtib edib.
“Poliqon” xəbər verir ki, Çexiyada 30 ədəd T-72M4 CZ tankı və 116 ədəd T-72M1 tankı silahlanmadadır. Ümumilikdə NATO-nun Avropa üzvlərinin 850 ədədə yaxın belə zirehli texnikası var. Bu ölkələrin əksəriyyətində T-72 tankı zirehli tank qüvvələrinin əsas vahididir.
Qeyd edək ki, Xorvatiyanın 75 ədəd T-72 tankları çoxdan istismardan çıxarılıb və anbarlarda saxlanır. Macarıstanda cəmi 30 ədəd tank silahlanmadadır, qalan 130 tank isə konservasiyadadır. Polşada isə bu sinifin ən çox zirehli texnikası var – ümumilikdə 505 ədəd.
Xatırladaq ki, SSRİ süqut etdikdən sonra Ukraynada bir neçə min ədəd BMP-1 PDM qalıb və beləliklə Ukrayna dünyanın belə texnikaların ən böyük operatorlarından birinə çevrilib.
Əhəd Əzizov