Danimarka Norveçdən NASAMS HHM sistemləri alır

Norveçin “Kongsberg Defence & Aerospace” (KONGSBERG) şirkəti Danimarka hökuməti ilə NASAMS hava hücumundan müdafiə (HHM) sistemlərinin tədarükü üçün müqavilə imzalayıb.

“Poliqon” KONGSBERG-ə istinadən xəbər verir ki, 500 milyon avro dəyərindəki bu müqavilə Danimarkaya qabaqcıl hava hücumundan müdafiə imkanları təmin edəcək.

“Köhnə sistemlərin yerinə bu satınalma Danimarkanın əməliyyat qabiliyyətlərini əhəmiyyətli dərəcədə artıracaq, müasir hava təhdidlərinə effektiv cavab vermək imkanını gücləndirəcək və eyni zamanda Şimali Avropa regionunda NASAMS HHM sisteminin mövcudluğunu möhkəmləndirəcək”, – deyə KONGSBERG şirkətinin prezidenti Eirik Lie bildirib.

Qeyd edilib ki, bu satınalma ilə Danimarka NASAMS-dan istifadə edən 14-cü ölkə, NATO daxilində isə 8-ci ölkə olacaq.