“Dubai Airshow 2025”: “Roketsan” yeni nəsil raket sistemlərini təqdim edib
Türkiyənin “Roketsan” şirkəti Körfəz regionunda əməkdaşlıq şəbəkəsini genişləndirmək hədəfi çərçivəsində “Dubai Airshow 2025” sərgisində güclü şəkildə iştirak edib.
“Poliqon” xəbər verir ki, sərgidə “Roketsan”ın yeni nəsil müdafiə həlləri ilə diqqət mərkəzində olub.
“Roketsan”ın baş direktoru Murat İkinci, “Dubai Airshow 2025”də iştiraklarını dəyərləndirdiyi açıqlamasında Türkiyə ilə Birləşmiş Ərəb Əmirlikləri arasındakı inkişaf edən münasibətlərin müdafiə sənayesi baxımından əhəmiyyətinə diqqət çəkib.
“Türkiyə və BƏƏ arasındakı sürətlə inkişaf edən münasibətlər müdafiə sənayemiz üçün böyük imkanlar yaradır. “Dubai Airshow”da güclü iştirak nümayiş etdirərək regiondakı dost və qardaş ölkələrlə əməkdaşlıqlarımızı artırmağı hədəfləyirik”, – deyə baş direktor qeyd edib.
M.İkinci, “Roketsan”ın sərgidə nümayiş etdirdiyi geniş məhsul çeşididən də danışıb: “PUA sursatlarımızdan tank əleyhinə sistemlərimizə, qanadlı raketlərimizdən hava hücumundan müdafiə həllərimizə qədər geniş bir portfellə buradayıq. Məqsədimiz ölkəmizə həm iqtisadi, həm də strateji töhfə vermək və Türkiyə müdafiə sənayesinin bayrağını hər coğrafiyada qürurla dalğalandırmaqdır”.
“Roketsan”ın “Dubai Airshow 2025”də təqdim etdiyi müxtəlif sistemlər:
- MAM-L IIR və MAM-T IIR mini ağıılı sursatları;
- İHA-230 “hava-yer” tipli səsdən sürətli ballistik raket;
- CİRİT lazerlə idarə olunan raket;
- SOM uzaq məsafəli “hava-yer” raketi;
- ÇAKIR qanadlı raketi;
- SUNGUR hava hücumundan müdafiə sistemi;
- SİPER Blok-1 uzunmənzilli zenit-raket sistemi;
- TEBER tuşlama dəsti;
- ALKA yeni nəsil yönləndirilmiş enerji həlli;
- ŞİMŞEK-1 peyk buraxılış sistemi.
