FNSS STA tank qırıcılarının istehsalına dair əlavə sifarişlər alıb

FNSS STA tank qırıcılarının istehsalına dair əlavə sifarişlər alıb

Türkiyə Müdafiə Sənayesi Başqanlığının (SSB) rəhbərliyi altında həyata keçirilən STA (Silah Taşıyıcı Araçlar) layihəsi çərçivəsində FNSS şirkəti tərəfindən istehsal olunan “Kaplan-STA” və “Pars-STA” tanklarla mübarizə maşınlarının Silahlı Qüvvələrə tədarükü davam edir.

“Poliqon” xəbər verir ki, bu barədə Türkiyə Müdafiə Sənayesi Başqanlığının açıqladığı məlumatda bildirilib.

IDEF-2021 sərgisinin 3-cü günü Türkiyə SSB və Milli Müdafiə Nazirliyinin nümayəndələrinin iştirakı ilə əlavə STA layihəli ziehli maşınların tədarükünə dair müqavilə imzalanıb.

Bu günə qədər Türkiyənin FNSS şirkətinin istehsalı olan 200-dən çox “Kaplan-STA” və “Pars-STA” maşınları Türkiyə Silahlı Qüvvələrinə təhvil verilib. Layihənin birinci mərhələsinin 2022-ci ilin fevralında bitməsi, əlavə vasitələrin tədarükünün 2023-cü ildə başlanması planlaşdırılır.

Layihənin birinci mərhələsi çərçivəsində ümumilikdə 208 ədəd tırtıllı “Kaplan-STA” və 136 ədəd 4×4 təkər formuluna malik “Pars-STA” zirehli maşınların tədarük edilməsi nəzərdə tutulub. İkinci mərhələdə istehsal olunacaq “Kaplan-STA” və “Pars-STA” maşınlarının sayı açıqlanmır.

Poliqon.az

KATEQORIYA:
TEQLƏR
Bu xəbəri paylaş