ADEX-2026 sərgisi çərçivəsində Azərbaycan Hərbi Dəniz Qüvvələrinin (HDQ) komandanı, kontr-admiral Şahin Məmmədov POLİQON Media Qrupunun stendini ziyarət edib.
Kontr-admiral Şahin Məmmədov stenddə POLİQON Media Qrupunun fəaliyyəti ilə yaxından tanış olub, “Poliqon” jurnalının ADEX üçün 6-cı dəfə hazırlanan Xüsusi Buraxılışına və jurnalın əvvəlki nömrələrinə nəzər salıb.
Ziyarət zamanı kontr-admiral Şahin Məmmədov ilə POLİQON Media Qrupunun rəhbəri Zaur Babaşov arasında görüş keçirilib. Görüşdə ADEX-2026 Xüsusi Buraxılışının Azərbaycan və ingilis dillərində hazırlandığı və sərgi çərçivəsində yerli və xarici nümayəndə heyətlərinə, iştirakçı şirkətlərə və ziyarətçilərə təqdim olunduğu bildirilib.
