Hollandiya Ukrayna Ordusunu “Stinger” DZRK-lərlə silahlandırır
Hollandiya Ukrayna Silahlı Qüvvələrinə “Stinger” daşınabilən zenit-raket kompleksləri (DZRK) göndərmək niyyətindədir.
“Poliqon” xəbər verir ki, Hollandiya hökuməti “Stinger”lərin tədarükü ilə bağlı qərarı Ukraynanın son müraciətinə cavab olaraq verib.
Bildirilib ki, ən qısa zamanda Ukrayna Ordusuna 200 ədəd “Stinger” DZRK çatdırılacaq.
Qeyd edək ki, ABŞ istehsalı olan “Stinger” portativ raket kompleksi aşağı hündürlükdə uçan hava hədəflərinin məhv edilməsi üçün nəzərdə tutulub. Bu kompleksin pilotsuz uçuş aparatlarına qarşı effektiv təsirli olduğu qiymətləndirilib. İstifadəsi sadə və çəkisi yüngül olan raket kompleksi 20-dən çox dövlətin silahlanmasında yer alır.
Rizvan Fikrətoğlu
CATEGORIES Xəbərlər