İlham Əliyev: Münaqişədən sonrakı dövrün maksimum ağrısız keçməsi əzmindəyik

Regionda münaqişədən sonrakı vəziyyət mövzusu da var. Bu məsələyə daimi diqqətinizə, çox vacib və həssas məsələlərin həllində şəxsən iştirakınıza görə Sizə təşəkkürümü bildirmək istərdim.

“Poliqon” xəbər verir ki, bu sözləri Prezident İlham Əliyev rusiyalı həmkarı Vladimir Putinlə görüşü zamanı deyib.

“Biz Sizinlə daim əlaqə saxlayırıq. Hərbi əməliyyatlar başa çatandan sonra ötən səkkiz ay ərzində, zənnimcə, yanvar ayında Moskvada şəxsən görüşümüz və telefon söhbətlərimiz vəziyyətin sabitləşdirilməsi işində çox mühüm rol oynayıb. Biz qətiyyətlə münaqişədən sonrakı dövrün maksimum ağrısız keçməsi əzmindəyik. Düşünürəm ki, ümumi səylərimizlə buna nail olacağıq”,  – deyə İlham Əliyev bildirib.

Poliqon.az