![İlham Əliyev Rusiya prezidentinə Azərbaycanın Ermənistana təqdim etdiyi beş prinsipi qəbul etdiyini xatırladıb İlham Əliyev Rusiya prezidentinə Azərbaycanın Ermənistana təqdim etdiyi beş prinsipi qəbul etdiyini xatırladıb](https://poliqon.az/wp-content/uploads/2022/04/pr-2.jpg)
İlham Əliyev Rusiya prezidentinə Azərbaycanın Ermənistana təqdim etdiyi beş prinsipi qəbul etdiyini xatırladıb
Azərbaycan Prezidenti İlham Əliyev aprelin 9-da Rusiya Prezidenti Vladimir Putinə zəng edib.
Bu barədə “Poliqon” Prezidentin saytına istinadən məlumat verib.
Söhbət əsnasında Ermənistan və Azərbaycan arasında postmünaqişə dövründə münasibətlərin normallaşdırılması məsələlərinə və aprelin 6-da Brüsseldə keçirilmiş görüşə dair fikir mübadiləsi aparılıb.
Prezident İlham Əliyev Azərbaycanın Ermənistanla dövlətlərarası münasibətlərin qurulması üçün beş prinsipdən ibarət təqdim etdiyi sənədi və Ermənistan tərəfinin bu prinsipləri qəbul etdiyini xatırladıb.
Telefon danışığı zamanı Ermənistan və Azərbaycan arasında sülh müqaviləsinin hazırlanması üzrə işçi qrupunun yaradılması, sərhədlərin delimitasiyası üzrə komissiyanın təsis edilməsi, həmçinin nəqliyyat məsələləri üzrə Azərbaycan, Rusiya və Ermənistanın iştirak etdiyi işçi qrupunun fəaliyyəti və bu çərçivədə növbəti təmaslar barədə söhbət aparılıb.
Tərəflər ikitərəfli münasibətlərin cari gündəliyi üzrə sıx əməkdaşlığın davam etdirilməsi üçün qarşılıqlı niyyəti bir daha ifadə ediblər.