İlhami Keleş: Dünyanın 80-dən çox ölkəsi MKE istehsalı sistemlərdən istifadə edir

Hazırda dünyanın 80-dən çox ölkəsi MKE tərəfindən istehsal edilən sistemlər ilə müharibə edir, təlim keçirir.

Bu sözləri “Poliqon” jurnalına müsahibəsində “Makine ve Kimya Endüstrisi” (MKE) şirkətinin baş direktoru İlhami Keleş söyləyib.

MKE-ni rəqabətdə üstün edən bir neçə səbəbi sadalayan baş direktor bildirib ki, “Makine ve Kimya Endüstrisi”nin əsrlərdir silah və sursat istehsal etməyi və bu sahədə böyük təcrübəyə sahib olmağı onları digər gənc şirkətlərdən fərqləndirir: “Bununla yanaşı, istehsal etdiyimiz silah və sursatları ilk olaraq öz ordumuza təhvil veririk. Keyfiyyətli və etibarlı həllər təqdim edirik. İstehsal etdiyimiz sistemlər həm öz ordumuz, həm də ixrac etdiyimiz dost və müttəfiq ölkələr tərəfindən real döyüş şəraitində sınaqdan keçirilir. Hazırda dünyanın 80-dən çox ölkəsi MKE tərəfindən istehsal edilən sistemlər ilə müharibə edir, təlim keçirir.

Qardaş Azərbaycanı özümüzdən ayrı görmədik, görmürük. Qabiliyyətlərimiz çərçivəsində olan ehtiyaclarını qarşılamaq üçün mövcud əlaqələrimizi gücləndirməyə və hər zamankından daha sıx əlaqələr qurmağa yönəlik görüşlər aparırıq”.