İran yeni mobil radarını təqdim edib

İran Hava Hücumundan Müdafiə Qüvvələrinin Yeni Texnologiyalar üzrə Tədqiqat Mərkəzində dizayn və istehsal edilən “Kasef-99” adlı yeni radarın təqdimatı keçirilib.

Bu barədə Azeri Defence saytı “Fars” xəbər agentliyinə istinadən məlumat verib.

“Xatəm-ül-Ənbiya” Hava Hücumundan Müdafiə Qüvvələrinin komandanı general Əlirza Sabahi Fardın iştirakı ilə keçirilən təqdimat mərasimində bildirilib ki, yeni radar 12 km məsafədən eyni zamanda 300-ə qədər kiçik ölçülü uçan obyekti aşkar edə bilir.

3D formatlı “Kasef-99” mobil radar sistemi sabit qurğu və ya nəqliyyat vasitələri üzərində istifadə edilir.