İrlandiya HHQ H145M helikopterləri ilə döyüş gücünü artırır
“Airbus Helicopters” şirkəti (“Airbus” şirkətinin bir hissəsi) İrlandiya Müdafiə Nazirliyi ilə dörd ədəd H145M helikopterinin tədarükünə dair müqavilə imzalayıb.
“Poliqon” “Airbus”a istinadən xəbər verir ki, sifariş edilən H145M helikopterləri İrlandiya Hərbi Hava Qüvvələrinin (HHQ) əməliyyat imkanlarını genişləndirmək üçün istifadə olunacaq.
H145M, qlobal miqyasda səkkiz milyon uçuş saatını geridə qoyan iki mühərrikli H145 helikopterinin hərbi versiyasıdır. O, “Airbus Helicopters” tərəfindən hazırlanmış silah idarəetmə sistemi olan “HForce” ilə təchiz edilib. H145M yüngül döyüş helikopteri pulemyot və raketlər daxil olmaqla, müxtəlif silah sistemlərini daşıya bilir.