İspaniya Ordusu “Arthur” radarlarının xidmət ömürlərini uzadır

İsveçin “Saab” şirkəti NATO-nun Dəstək və Satınalma Agentliyindən (NSPA) İspaniya Ordusuna məxsus “Arthur” radar sistemlərinin xidmət ömürlərinin uzadılması üçün sifariş alıb.

“Poliqon” “Saab”a istinadən xəbər verir ki, sifarişin dəyəri təxminən 540 milyon İsveç kronu (49.4 milyon avro) təşkil edir.

Radarların xidmət ömürlərinin uzadılması həm yüksək əməliyyat mobilliyi, həm də dəqiq əks-batareya əməliyyatları təmin edəcək. Bu, hədəflərin daha uzaq məsafələrdə aşkar edilməsinə imkan verəcək, eyni zamanda elektron imzanı azaldacaq.