Kərim Vəliyev “Atəş Sərbəst-2025” təliminin “Yüksək Səviyyəli Müşahidəçi Günü”ndə iştirak edir

Müdafiə nazirinin birinci müavini – Azərbaycan Ordusunun Baş Qərargah rəisi general-polkovnik Kərim Vəliyev Türkiyə Silahlı Qüvvələrinin Baş Qərargah rəisi ordu generalı Selçuk Bayraktaroğlunun dəvəti ilə “Atəş Sərbəst-2025” təliminin “Yüksək Səviyyəli Müşahidəçi Günü”ndə iştirak etmək üçün qardaş ölkəyə səfər edib.

Müdafiə Nazirliyindən “Poliqon”a verilən məlumata görə, general-polkovnik K.Vəliyev Ankarada türkiyəli həmkarı ilə görüşüb.

Görüşdə ölkələrimiz arasında hərbi əməkdaşlığa dair maraq doğuran məsələlər ətrafında müzakirələr aparılıb.

Səfər çərçivəsində Azərbaycan Ordusunun Baş Qərargah rəisi, həmçinin “Atəş Sərbəst-2025” təliminin “Yüksək Səviyyəli Müşahidəçi Günü”ndə iştirak edib.