“Leonardo” quru müdafiə gücünü “Iveco Defence” ilə artırır

İtaliyanın “Leonardo” şirkəti “Iveco Group”un bir bölməsi olan yerli “Iveco Defence” şirkətini 1.7 milyard avro dəyərində məbləğə satın alıb.

“Poliqon” “Leonardo”ya istinadən xəbər verir ki, bunun üçün tərəflər arasında razılaşma imzalanıb.

Bildirilib ki, bu strateji satınalma “Leonardo”nun quru müdafiə sahəsində tam inteqrasiya olunmuş orijinal avadanlıq istehsalçısı kimi rolunu gücləndirmə planında əhəmiyyətli bir addımı təmsil edir. Eyni zamanda, bu, “Leonardo”nun tırtıllı və təkərli platformaları əhatə edən müdafiə və təhlükəsizlik üzrə kompleks həllər portfelini daha da genişləndirir.

Bu satınalma həmçinin iki şirkətin satış şəbəkələrinin tamamlayıcı xarakterindən və yüksək potensiala malik bazarlarda inteqrasiya olunmuş həllər təklif etmək imkanından istifadə edərək, birgə kommersiya mövqelərini gücləndirəcək.