MKE şirkəti son bir həftə ərzində yerli və xarici sifarişçilərə müxtəlif təyinatlı hərbi məhsullar tədarük edib.
MKE-dən “Poliqon”a verilən məlumata görə, şirkət tərəfindən Türkiyə Quru Qoşunları Komandanlığına MPT-76-MH avtomatları, 120 mm-lik minaatan üçün fuqas mərmiləri, 155 mm-lik beton dağıdan artilleriya mərmiləri üçün alışdırıcılar və 2,75 düymlük raket mühərrikləri çatdırılıb.
Bundan əlavə, Hərbi Zavodlar Baş İdarəsinə ehtiyat hissələr, tərəfdaşlara isə 35 mm-lik “Gökdeniz” silah sisteminin texniki xidməti və təmiri üçün avadanlıqlar təhvil verilib.
Xarici sifarişlər çərçivəsində Litvaya minalanmış ərazilərdə keçid açmaq üçün nəzərdə tutulan “Alpay-I” sistemi də uğurla çatdırılıb.
