NATO təlimində dağ şəraitində reaktiv kürək çantası sınaqdan keçirilib
Böyük Britaniyanın “Gravity Industries” şirkəti “Jet Suit” reaktiv kürək çantasından istifadə edən NATO təliminin təfərrüatlarını ictimailəşdirib.
“Poliqon” xəbər verir ki, bununla bağlı “Gravity Industries” şirkətinin mətbuat xidməti rəsmi YouTube kanalında videoçarx yayımlayıb.
Şirkət Şimali Atlantika Alyansının hərbçilərinə özünün “Jet Suit” adlı reaktiv kürək çantasını nümayiş etdirib.
Nümayiş NATO-nun Sloveniyada keçirilən “Dağ müharibəsində xilasetmə əməliyyatı” zamanı baş tutub.
Ssenariyə əsasən reaktiv kürək çantasının operatoru dağlıq şəraitdə yaralılara yardımda iştirak etməli idi. Bu, əsgərin çox mürəkkəb vəziyyətdən çıxarılmasını və təcili tibbi yardım almasını tələb edirdi. Yaralıya tələb olunan qan plazması dərhal reaksiya verə və yaralıya qədər məsafəni çox tez dəf edə bilən “Jet Suit” reaktiv kürək çantasının pilotu tərəfindən çatdırılmalı idi. Bu bir məşq olduğundan pilot trası izləməklə riski minimuma endirib.
Yaradıcı heyət iddia edir ki, “Jet Suit” reaktiv kürək çantası təbii insan balansı ilə birlikdə 1000 at gücündən çox reaktiv mühərrik gücündən istifadə edir.
Reaktiv kostyum hələ də sınaqdan keçirilir, lakin hərbçilər onun mürəkkəb əməliyyatların adi haldan daha sürətli həyata keçirilməsinə imkan verəcəyinə ümid edirlər.
Qeyd edək ki, “Gravity Industries” baş direktor vəzifəsindən əlavə baş sınaq pilotu kimi fəaliyyət göstərən Riçard Brauninq tərəfindən 2017-ci ilin martında Böyük Britaniyada təsis edilmiş şirkətdir. Riçard Brauninqin özü aviasiyada zəngin ailə tarixinə sahib keçmiş neft taciri və Kral Dəniz Piyadalarının rezervistidir. O, ilk qurğunu 2017-ci ildə nümayiş etdirib.
Qravitasiya bu günə qədər qlobal miqyasda bir milyarddan çox insan tərəfindən yaşanıb və faktiki olaraq hər bir media platformasında işıqlandırılıb. Böyük Britaniyada yerləşən “Gravity Industries”, hər il ABŞ-da keçirilən 5 TED (technology, entertainment, design) konfransındakı çıxışlar daxil olmaqla, 30 ölkədə 100-dən çox uçuş və nümayiş həyata keçirilib.
Xatırladaq ki, 2021-ci ildə Böyük Britaniya Dəniz Piyadaları “Gravity Industries” şirkətinin “Jet Suit” reaktiv kürək çantasını sınaqdan keçiriblər. Bu reaktiv kostyum gəmiyə desant çıxarmanın ənənəvi üsullarına alternativ ola bilər. Adətən, desant çıxarma sürət qayığından buraz bağlamaq və ya helikopterdən enmə yolu ilə həyata keçirilir.
Bu arada xatırlatmaq yerinə düşər ki, ötən ilin sonlarında Fransanın Xüsusi Əməliyyat Qüvvələri oxşar məqsədlər üçün yaradılmış “Flyboard Air” qurğusunun yenilənmiş versiyasını sınaqdan keçirməyi planlaşdırırdı. Fransa mətbuatına görə “Flyboard Air” qurğusunun silahlı qüvvələr üçün uyğunlaşdırılmış versiyası hazırlığın son mərhələsindədir və tezliklə xüsusi təyinatlılar tərəfindən sınaqdan keçiriləcək (ətraflı bax: “Flyboard Air” qurğusunun yenilənmiş versiyası test ediləcək).
Əhəd Əzizov