Niderlandda PzH 2000NL ÖAQ-ları üçün yeni dron əleyhinə şəbəkə sistemi hazırlanıb
“COBBS Industries BV” şirkəti Niderland Ordusunun PzH 2000NL özüyeriyən artilleriya qurğularının (ÖAQ) mühafizəsini gücləndirmək məqsədilə dron əleyhinə şəbəkə sistemi hazırlayıb.
“Poliqon” “COBBS Industries BV”ə istinadən xəbər verir ki, Niderland Müdafiə Nazirliyi üçün hazırlanan bu sistem, ölkənin ilk dron əleyhinə şəbəkə sistemidir.
Sözügedən sistem müasir artilleriya və zirehli texnika əməliyyatlarında kiçik pilotsuz uçuş aparatlarının (PUA) yaratdığı artan təhdidlərə cavab olaraq inkişaf etdirilib.