Pentaqon Ukraynaya yeni hərbi yardım paketini açıqlayıb

ABŞ Müdafiə Nazirliyi (Pentaqon) Ukraynaya 2 milyard dollar dəyərində yeni hərbi yardım paketini açıqlayıb.

“Poliqon” xəbər verir ki, bu barədə ABŞ Müdafiə Nazirliyinin mətbuat xidməti məlumat yayıb.

Bildirilib ki, 2 milyard dollar həcmindəki hərbi yardım paketi Ukrayna Təhlükəsizliyinə Yardım Təşəbbüsü (USAI) tərəfindən təmin ediləcək.

Hərbi yardım paketinə daxildir:

• HIMARS yaylım atəşli reaktiv sistemlər (YARS) üçün əlavə sursat;
• 155 mm-lik artilleriya üçün əlavə mərmilər;
• Lazerlə idarə olunan raket sistemləri üçün döyüş sursatları;
• “CyberLux” K8 pilotsuz uçuş aparatı (PUA);
• “Switchblade” 600 PUA;
• “Altius-600” PUA;
• “Jump 20” PUA;
• Dron əleyhinə sistemlər;
• Mina təmizləmə avadanlığı;
• Təhlükəsiz rabitə dəstəyi üçün avadanlıqlar;
• Personala təlimin keçirilməsi, avadanlıqlara texniki xidmətin göstərilməsi  və digər əlavə təminatlar üçün maliyyə.

Poliqon.az