Polşanın Mi-24 helikopterləri İsrail sistemləri ilə təkmilləşdiriləcək
İsrailin “Rafael” və Polşanın PCO şirkətləri arasında “Toplite” elektro-optik hədəfləmə sistemlərinin birgə istehsalına dair müqavilə imzalanıb.
“AzeriDefence”nin xarici mediaya istinadən verdiyi xəbərə görə, elektro-optik hədəfləmə sistemi Polşa Hərbi Hava Qüvvələrinin silahlanmasında yer alan müasirləşdirilən Mi-24 helikopterlərinə inteqrasiya olunacaq.
Məlumatda o da qeyd olunub ki, bundan əvvəl “Rafael” şirkətinin istehsalı olan “Toplite” elektro-optik hədəfləmə sistemi Polşanın müasirləşdirilən W-3PL “Głuszec” helikopterlərinə quraşdırılıb. Habelə W-3PL “Głuszec” helikopteri “Rafael” şirkətinin lisenziyası ilə Polşada “Mesko” şirkətində istehsal olunan “Spike-LR” tank əleyhinə idarə olunan raketlərlə silahlandırılıb.
“Rafael” Mi-24 helikopterinə də “Spike-ER” və “Spike-LR” raketlərinin quraşdırılmasını təklif edib.