Qazaxıstan müdafiə sənayesi sektorunda yenidən strukturlaşma tədbirləri həyata keçirir

Qazaxıstanın müdafiə sənayesi sektorunda fəaliyyət göstərən dövlət müəssisələrinin yenidən strukturlaşması tədbirləri həyata keçirir.

Bu barədə “AzeriDefence”ə “Kazakhstan Engineering” Milli Şirkətindən məlumat verilib.

Strukturlaşma tədbirləri çərçivəsində “Kaztexnologiya” Səhmdar Cəmiyyəti və “Steel Manufacturing” məhdud məsuliyyətli ortaqlığı “Kazakhstan Engineering” Milli Şirkətinin tərkibinə daxil edilib.

“Kaztexnologiya” Səhmdar Cəmiyyəti istismardan çıxarılan silahların, döyüş sursatlarının və hərbi texnikanın utilizasiyasını həyata keçirir.

“Steel Manufacturing” məhdud məsuliyyətli ortaqlığı isə “Qazaxıstan patron zavodu” layihəsinin reallaşdırmasını həyata keçirən müasir və texnologiyalı müəssisədir.