ROKETSAN İndoneziya Silahlı Qüvvələrinə raket və HHM sistemləri tədarük edəcək

Türkiyənin ROKETSAN şirkəti İndoneziya Silahlı Qüvvələrinə ağıllı sursat, qanadlı raket və hava hücumundan müdafiə (HHM) sistemləri tədarük edəcək.

“Poliqon” ROKETSAN-a istinadən xəbər verir ki, bunun üçün tərəflər arasında alqı-satqı müqaviləsi imzalanıb.

Müqaviləyə əsasən, ROKETSAN şirkəti İndoneziya Silahlı Qüvvələrini MAM-L mini ağıllı sursatı, ÇAKIR qanadlı raketi və SUNGUR zenit-raket kompleksi ilə təmin edəcək.

“Biz beynəlxalq əməkdaşlıqlarla durmadan böyüməyə davam edirik. Öz üstün imkanları ilə əməliyyat meydanında oyun dəyişən texnologiyalarımız dost və müttəfiq ölkələrin də gücünə güc qatacaq”, – deyə ROKETSAN tərəfindən bildirilib.