Rumıniya F-16 qırıcılarını təkmilləşdirmək üçün ABŞ-dan dəstlər alır

ABŞ hökuməti F-16 döyüş təyyarələrini təkmilləşdirmək üçün lazım olan dəstlərin Rumıniyaya satışını təsdiqləyib.

“Poliqon” ABŞ-ın Müdafiə Təhlükəsizliyi Əməkdaşlıq Agentliyinə (DSCA) istinadən xəbər verir ki, bu dəstlər Rumıniyanın Norveçdən aldığı 32 ədəd F-16 Blok 10/15 qırıcılarının təkmilləşdirilməsində istifadə olunacaq.

Bildirilib ki, “Lockheed Martin” şirkəti tərəfindən yerinə yetiriləcək sifarişin ümumi dəyəri 105 milyon ABŞ dolları təşkil edir.

Sifarişə daxildir:

• KY-58M və KIV-78 kriptoqrafik cihazları;
• AN/PYQ-10C sistemləri;
• Birgə missiya planlaşdırma sistemləri;
• Gecəgörmə cihazları (NVD);
• Təhlükəsiz rabitə avadanlıqları;
• Dəqiq naviqasiya cihazları;
• Mühəndislik, texniki qulluq, logistika dəstəyi xidmətləri və s.