Rusiya Ordusu 82 mm-lik yüngül minaatanlarla təmin edilib

“Rostex” Dövlət Korporasiyası 82 mm-lik 2B24 yüngül minaatanlarının növbəti partiyasını Rusiya Ordusuna təhvil verib.

Bu barədə “Poliqon” “Rostex” Dövlət Korporasiyasına istinadən məlumat verib.

Məlumatda bildirilib ki, 2B24 yüngül minaatanı sadə və funksional dizayna, eləcə də aşağı çəkiyə malikdir. Bununla 82 mm-lik minaatan piyada hissələrin və dağ atıcı bölmələrin tələblərinə uyğunlaşdırılıb.

2B24-ün dizaynında minaataının çəkisini azaldan müasir materiallardan istifadə olunub. Bunun sayəsində bir neçə nəfərdən ibarət ekipaj əlavə texnika olmadan minaatanı və sursatı daşıya bilir. Bu, piyada birləşmələrinin meşə və dağ kimi çətin ərazilərdə minaatandan istifadə etməsinə şərait yaradır. Eyni zamanda, 2B24 tez bir zamanda – 30 saniyə ərzində atış üçün hazır vəziyyətə gətirilə bilər.