Rusiya Ordusunun silahlanmasına BMP-1AM “Basurmanin” PDM-in böyük partiyası daxil olacaq
Cari ilin fevral ayının birinci yarısında Rusiya Silahlı Qüvvələrinin Şərq Hərbi Dairəsinin Ümumqoşun ordularından birinin motoatıcı birləşməsinin silahlanmasına BMP-1AM “Basurmanin” piyadanın döyüş maşınlarının (PDM) böyük partiyası daxil olacaq.
“Poliqon” xəbər verir ki, təkmilləşdirilmiş döyüş maşınları silahlanmadakı BMP-1 PDM-ləri əvəz edəcək.
Rusiyanın “Uralvaqonzavod” Elmi-İstehsalat Korporasiyası” BMP-1 döyüş maşını təkmilləşdirərək onu BMP-1AM “Basurmanin” səviyyəsinədək yüksəldib. Təkmilləşdirmə zamanı maşının standart döyüş qülləsi BTR-82A zirehli transportyorunun döyüş modulu ilə dəyişdirilib.
Nəticədə döyüş maşını 30 mm-lik 2A72 avtomatik topu, topla qoşalaşdırılmış 7,62 mm-lik PKTM pulemyotu, gecə-gündüz rejimlərində işləyən TKN-4QA-01 zenit nişangahı ilə kombinələşdirilmiş atəşi idarəetmə sistemi, silahların sabitləşdirilməsi üçün iki müstəvili stabilizator və çıxarılma variantlı 9K115 “Metis” TƏİR kompleksi ilə təchiz olunub.
Köhnə 300 at gücünə malik UTD-20 mühərriki BMP-2 PDM üçün nəzərdə tutulmuş eyni gücə sahib UTD-20S1 mühərriki ilə əvəz edilib. Keçidlik qabiliyyətini artırmaqdan ötrü ştat torsion valları yüksək yüklənmə qabiliyyətli torsion valları ilə dəyişdirilib. Maşının R-123M radiostansiyası R-168-25U-2 radiostansiyası ilə əvəz edilib və AVSK-2U daxili rabitə və kommutasiya aparatı quraşdırılıb.
Subasma qanadlarının quraşdırılması sayəsində üzmə və suda hərəkət qabiliyyəti artırılıb. Təkmilləşdirmə nəticəsində PDM-in resursu bərpa edilib. Maskalanmanın təmin edilməsi üçün 81 mm-lik 902V “Tuça” tüstü qumbaraatanı quraşdırlıb. Təkilləşdirmədən sonra döyüş maşının kütləsi 13,0 tondan 14,3 tona qalxıb. Təkmilləşdirilmiş döyüş maşını alçaqdan uçan hava hədəfləri ilə mübarizə aparmaq imkanına malikdir.
Əhəd Əzizov