Səfərbərlik, hərbi xidmətə çağırış məsələləri ilə bağlı qərar qəbul ediləcək

Nazirlər Kabineti səfərbərlik, hərbi xidmətə çağırış məsələləri ilə bağlı yaxın vaxtlarda qərar qəbul edəcək.

“AzeriDefence” xəbər verir ki, bu barədə Nazirlər Kabineti yanında Operativ Qərargahın keçirdiyi mətbuat konfransında Nazirlər Kabinetinin mətbuat xidmətinin rəhbəri İbrahim Məmmədov bildirib.

“Səfərbərlik, hərbi xidmətə çağırış məsələləri hökumətin diqqət mərkəzindədir, yaxın vaxtlarda bununla bağlı qərar qəbul ediləcək,” – deyə Nazirlər Kabinetinin mətbuat xidmətinin rəhbəri deyib.