Təkmilləşdirilən radiolokasiya stansiyası Ukrayna Ordusuna təhvil verilib
Ukraynanın “NVK İskra” dövlət müəssisəsi tərəfindən modernləşdirilərək 35D6M səviyyəsinə yüksəldilən 19J6 radiolokasiya stansiyası Ukrayna Silahlı Qüvvələrinə təhvil verilib.
“Poliqon” “Ukroboronprom” Dövlət Konserninin mətbuat xidmətinə istinadən xəbər veri ki, təkmilləşdirilən radiolokasiya stansiyası yeni antena və müasir proqram təminatı ilə təchiz edilib.
Həmçinin, radiolokasiya stansiyanın üzərinə qurulduğu şassi də əsaslı təmir edilib, gövdəsi dəyişdirilib.
Modernizasiya nəticəsində radarın traektoriya parametrləri yaxşılaşdırılıb, məsafəsi, koordinat dəqiqliyi və istismar müddəti artırılıb, habelə təmir xərcləri azaldılıb.
CATEGORIES Xəbərlər