Təkmilləşdirilən A400M təyyarəsi Türkiyə HHQ-yə təhvil verilib
ASFAT şirkəti tərəfindən modernizasiya edilən doqquzuncu A400M “Atlas” hərbi nəqliyyat təyyarəsi Türkiyə Hərbi Hava Qüvvələri (HHQ) Komandanlığına təhvil verilib.
“Poliqon” xəbər verir ki, bu barədə ASFAT şirkəti məlumat yayıb.
Qeyd edək ki, Türkiyə HHQ-yə məxsus A400M-lərin modernləşdirilməsi ilə bağlı işlər ASFAT-ın Kayseridə yerləşən “Fasbat” təyyarə servis mərkəzində aparılır. 2021-ci ilin iyul ayında istifadəyə verilən “Fasbat” təyyarə servis mərkəzində həm Türkiyə, həm də digər ölkələrin A400M hərbi nəqliyyat təyyarələrinin təmiri, texniki dəstəyi və modernləşdirilməsi nəzərdə tutulub.
Bu günə qədər “Fasbat” mərkəzində doqquz ədəd A400M nəqliyyat təyyarəsi modernləşdirilərək Türkiyə HHQ-yə təhvil verilib.