Təkmilləşdirilmiş xüsusiyyətlərə malik BMP-3 PDM-i “Army-2024”də təqdim edilib

“Yüksək Dəqiqlikli Komplekslər” holdinqinin “Kurqanmaşzavod” müəssisəsi Moskva şəhərində keçirilən “Army-2024” beynəlxalq hərbi-texniki forumunda təkmilləşdirilmiş mobillik və təhlükəsizlik xüsusiyyətlərinə malik BMP-3 piyada döyüş maşınını (PDM) təqdim edib.

Bu barədə “Poliqon” “Yüksək Dəqiqlikli Komplekslər” holdinqinə istinadən xəbər verib.

Bildirilib ki, artırılmış təhlükəsizlik xüsusiyyətlərinə sahib BMP-3 əlavə mühafizə dəstləri ilə təchiz edilib. Əlavə qoruma ilə kütləsinin bir qədər artmasına baxmayaraq BMP-3 PDM-i yüksək hərəkətlilik xüsusiyyətlərini, eləcə də su maneələrini asanlıqla dəf etmək qabiliyyətini özündə saxlayır.

BMP-3 üçün başqa bir vacib əlavə mexanikləşdirilmiş muftadır. Onun köməyi ilə nasaz və ya zədələnmiş piyada döyüş maşınları ekipaj PDM-i tərk etmədən döyüş meydanından çıxarıla bilər.

Həmçinin BMP-3 təkmilləşdirilmiş videomüşahidə sisteminə malikdir ki, bu da sürücünün ərazini görmə qabiliyyətini artırır.