Türkiyədə yeni ALPAGUT süzən sursatı hazırlanıb – VİDEO
Türkiyənin STM və “Roketsan” şirkətləri tərəfindən birlikdə hazırlanan yeni ALPAGUT süzən sursat (kamikadze PUA) sistemi ilk dəfə SAHA EXPO sərgisində təqdim edilib.
STM-dən “Poliqon”a verilən məlumata görə, ALPAGUT süzən sursatının təqdimatı Türkiyənin Müdafiə Sənayesi (SSB) başqanı İsmail Dəmir, “Roketsan”ın baş direktoru Murat İkinci və STM-nin baş direktoru Özgür Güleryüz tərəfindən həyata keçirilib.
Bildirlib ki, ALPAGUT 60 kilomter mənzilə, gecə/gündüz verilən tapşırığı yerinə yetirmək, 1 saat havada qalmaq və müxtəlif tipli döyüş başlıqlarından istifadə etmək qabiliyyətinə malikdir.
ALPAGUT süzən sursatı quru, hava və dəniz platformalarından buraxıla bilər. Bura havadan ATAK II, GÖKBEY helikopterləri, “Akıncı”, “Aksunqur”, “Anka” və TB-3 PUA-ları, qurudan təkərli və tırtıllı nəqliyyat vasitələri, dənizdən isə MİLGEM korvetləri, pilotsuz dəniz katerləri və “İ” sinfinə aid olan freqatlar da daxildir.
ALPAGUT süzən sursatı düşmənin yüngül zirehli texnikalarını, canlı qüvvəsini, hava hücumundan müdafiə sistemlərini, komanda məntəqələrini, rabitə və radar mərkəzlərini məhv etmək qabiliyyətinə malikdir.
Poliqon.az