![Ukraynada BRDM-2 zirehli texnikaları yeni döyüş modulları ilə təkmilləşdirilib Ukraynada BRDM-2 zirehli texnikaları yeni döyüş modulları ilə təkmilləşdirilib](https://poliqon.az/wp-content/uploads/2022/04/1-5.jpg)
Ukraynada BRDM-2 zirehli texnikaları yeni döyüş modulları ilə təkmilləşdirilib
Ukraynanın “Luç” Kiyev Dövlət Konstruktor Bürosu BRDM-2 zirehli texnikalarını yeni “Amulet” və “Skif” tank əleyhinə raket kompleksli döyüş modulları ilə təkmilləşdirilməsini başa çatdırıb.
“Poliqon” “Luç” Kiyev Dövlət Konstruktor Bürosunun mətbuat xidmətinə istinadən xəbər verir ki, . Ukrayna Silahlı Qüvvələrinin döyüş heyətləri tərəfindən həyata keçirilən maşınların qəbul sınaqları uğurlu olub.
Xatırladaq ki, “Amulet” raket kompleksi 130 və ya 152 mm-lik raketlər üçün iki buraxma qurğusu olan uzaqdan idarə olunan döyüş moduludur. Bu modul ilk dəfə “Ukrayna Zirehli Maşınları” MMC tərəfindən “Silahlar və Təhlükəsizlik-2019” sərgisində nümayiş etdirilib.
“Skif” raket kompleksi müxtəlif mobil platformalarda quraşdırıla bilir. Lazım olduqda qurğu asanlıqla çıxarıla və üçayaq-dəzgahdan istifadə edilə bilər.
130 mm-lik RK-2C raketlərinin köməyi ilə 5 km-ə qədər məsafədə əsas homogen zirehinin qalınlığı 800 mm-ə qədər olan zirehli hədəflər məhv edilir. 152 mm-lik RK-2M-2 raketi ilə isə 1000 mm-lik zirehi dəlmək mümkündür.
![Ukraynada BRDM-2 zirehli texnikaları yeni döyüş modulları ilə təkmilləşdirilib 1 1 5](https://poliqon.az/wp-content/uploads/2022/04/1-5.jpg)
“Amulet” raket kompleksi ilə silahlandırılmış BRDM-2 texnikası
![Ukraynada BRDM-2 zirehli texnikaları yeni döyüş modulları ilə təkmilləşdirilib 2 2 6](https://poliqon.az/wp-content/uploads/2022/04/2-6.jpg)
“Amulet” raket kompleksi
![Ukraynada BRDM-2 zirehli texnikaları yeni döyüş modulları ilə təkmilləşdirilib 3 3 5](https://poliqon.az/wp-content/uploads/2022/04/3-5.jpg)
“Skif” raket kompleksi
Əhəd Əzizov