XTQ-də veteranlar və şəhidlərin ailələri ilə görüş keçirilib – FOTO/VİDEO
Zəfər Günü münasibətilə Xüsusi Təyinatlı Qüvvələrdə (XTQ) veteranlar və Vətən müharibəsində şəhid olmuş qəhrəmanların ailələri ilə görüş keçirilib.
Müdafiə Nazirliyinin mətbuat xidmətindən “Poliqon”a verilən məlumata görə, əvvəlcə ümummilli lider Heydər Əliyev və Azərbaycanın ərazi bütövlüyü uğrunda şəhid olanların xatirəsi bir dəqiqəlik sükutla yad edilib. Dövlət himni səsləndirilib.
Tədbirdə “Zəfər Günü” münasibəti ilə hazırlanan tort kəsilib, veteranlara və şəhid övladlarına müxtəlif hədiyyələr təqdim olunub. Balacalara müasir atıcı silahlar nümayiş etdirilib, onları maraqlandıran suallar cavablandırılıb.
CATEGORIES Xəbərlər