![Zakir Həsənov komandoların döyüş hazırlığına xüsusi diqqət yetirilməsi barədə göstərişlər verib Zakir Həsənov komandoların döyüş hazırlığına xüsusi diqqət yetirilməsi barədə göstərişlər verib](https://poliqon.az/wp-content/uploads/2022/07/Komando.jpg)
Zakir Həsənov komandoların döyüş hazırlığına xüsusi diqqət yetirilməsi barədə göstərişlər verib
Müdafiə naziri general-polkovnik Zakir Həsənov Xocavənddə yeni istifadəyə verilən qərargah binasında komandir heyəti və qərargah zabitlərinin iştirakı ilə keçirilən müşavirədə komandoların döyüş hazırlığına xüsusi diqqət yetirilməsi barədə müvafiq göstərişlər verilib.
“Poliqon” xəbər verir ki, müşavirədə yeni yaradılan Əməliyyat (Komando) hərbi hissələrinin fəaliyyətinə dair məruzələr dinlənilib.
Müdafiə naziri döyüş və mənəvi-psixoloji hazırlığın, həmçinin nizam-intizamın daha da artırılması, hərbi təyinatlı obyektlərin mühafizəsinin gücləndirilməsi, şəxsi heyətin qayğısına və sağlamlığına xüsusi diqqət yetirilməsi, eləcə də təhlükəsizlik qaydalarına əməl olunmasına nəzarətin gücləndirilməsinin vacibliyini vurğulayıb.
General-polkovnik Z.Həsənov azad edilən ərazilərdə dislokasiya olunan hərbi hissələrdə qoşun xidmətinin təşkili, həmçinin xidməti-döyüş və sosial-məişət şəraitinin daha da yaxşılaşdırılması məqsədilə yeni hərbi infrastrukturun yaradılması istiqamətində görülən işlərlə bağlı göstərişlər verib.